أخدت بنصيحتي ولا لأ ؟  هفترض ان الموضوع عجبك و جربته ….. حسيت بالفرق ؟

عشان بس أخلي نفسي من المسئولية …. ما تجريش  على  طريق  سريع  …

المرة الجاية و انت بتجري حط لنفسك زمن معين أو حد معين تقف عنده ….. حتى لو انت ما كنتش  تعبت أوي ، لو حاولت إنك تزود عن الحد ده ؛ هتلاقي  نفسك مش  قادر ، و عايز تستريح … جرب في مرة تانية تزود الزمن أو المسافة …. هتلاقي  نفسك بردو بتوصلها و بعدها هتقف .

طبعاً فيه مدى لقدرة كل واحد و فيه اختلاف بين الناس في القدرة البدنية … لكن صدقوني حدود قدراتنا اللي  ربنا اداهلنا أكبر بكتير مما نتخيل … احنا اللي بنقيد نفسنا ، و بنحط لنفسنا حدود …. كم واحد حقق رقم قياسي ، و العالم كله افتكر ان ده أعلى  حاجة ، و بعد كده جه واحد حطم الرقم ده و عمل   رقم أفضل ؟؟  كتير و في  كل المجالات..

بس  ده مش  معناه اننا ما لناش  حدود …. فيه حدود ما ينفعش نتخطاها ؛ حتى لو قدراتنا كانت  هتساعدنا على كده …. لأننا لو  تخطيناها ، أكيد  هتحصل  مشاكل … زي اللي  ساب الطريق  الجانبي و قرر يجري  عالطريق  السريع…