تعالوا نتخيل إنه في مؤتمر من المؤتمرات الرياضية الخاصة بكرة القدم دلوقتي عالتليفزيون و كان حاضر في المؤتمر حسن شحاتة مدرب الزمالك و مانويل جوزيه مدرب الأهلي … ايه اللي  هتفهموه لو شحاتة قال لجوزيه إن شريف إكرامي ( حارس مرمى الأهلي ) هو أفضل حارس مرمى حصل عليه فريق الزمالك من سنين طويلة … خلو بالكم ، الكلام ده مش معناه إن إكرامي راح الزمالك ، الكلام ده معناه إن إكرامي أفضل حارس  للزمالك و هو ما زال  بيلعب في الأهلي ؟؟؟

أكيد كده هتفهموا إن شريف إكرامي من موقعه ده هيخدم الزمالك ( بإنه هيقلل من كفاءة الأهلي ) … طبعأ الكلام ده كله متخيل و مش قصدي من وراه إن إكرامي حارس مرمى سيء .

أنا عملت طبق السلطة اللي  فوق ده بعد ما قريت تصريح بيريز خلال أحد احتفالات الإسرائيليين برأس السنة العبرية ، واللي بيقول فيه :  إن عباس هو "الرئيس الأفضل الذي بإمكاننا أن نحصل عليه".

أنا مش فاهم حاجة …. ممكن حد يفهمني ؟؟